ولد وبنت
كل الجنينة ولد وبنت
حاسب ياحب ده هنا
وردة ولد...ووردة بنت
********
كان فيه بنية
خرجت شوية فى المغربية
قبلت وليد
بصلها حود وقال أهيا
سلم عليها...فهمت أيديها
قالت عينيها...خلاص أمنت
خجلانة هى ....ومستحية
لكن هنية
قال كلمة هو ...من قلب جوة
ناره القوية
قال يامالى...قالت ياغالى
غيرت حالى ساعة مابنت
*******
الوقت ماسه....وهى لسه
ولا هى حاسه
آدم وحوا....هو وهى
الأتنين فى قصة
لكن ساعتها...شافت ساعتها
رجعت لبيتها وأنا حزنت
أنا اللى كانت الغنوة ليا
أنا الوليد صاحب الصبية
اللى عيونها قالت أمنت
صلاح جاهين
هناك ٤ تعليقات:
انا مبسوطة اني اول تعليق علي البوست الجميل ده
بجد مفيش احلي من صلاح جاهين
تحياتي
دي اول زيارة للبلوج بتاعكم
حاسة مختلف ونابع من مجموعة عاوزة تحقق هدف
يارب يحقق احلامكم تبقوا فريق يكسر الدنيا
تحياتي ليكم
عروس البحر
شكراً على تعليقك ،ورايك في صلاح جاهين..ابقى كررى الزيارة
تحياتنا
لولا
متشكرين جداً على رايك وشعورك..
أحنا فعلاً عندنا هدف وبنحاول نحققه
أستنى منا كل جديد
تحياتنا لك
إرسال تعليق